Irfan Ngjeqari Shkolla jopublike · Berat
Regjistrohu English, Kalo në anglisht
Menu

Navigimi

English, Kalo në anglisht

RRETH NESH

Një shkollë, tri nivele, një rrugë

“Irfan Ngjeqari” është kompleks arsimor jopublik në Lagjen Kombinat, Berat. Kopshti, shkolla 9-vjeçare dhe Gjimnazi janë në të njëjtin kampus, që fëmija të rritet nga klasa e parë deri te Matura në të njëjtin vend.

Motoja jonë e thotë qartë: Ne ia dolëm! A mundesh ti?! Çdo vit Gjimnazi publikon rezultatet e veta, dhe katër vite rresht çdo maturant ka vazhduar në universitet.

Që nga viti 2000, si shkolla e parë jopublike në qarkun e Beratit, këtu çdo fëmijë gjen mësim të qartë, studim me mësuesin pranë dhe një ditë të plotë në shkollë.

Maturantët gjatë udhëtimit në Kroaci Fëmijë të kopshtit në valle me veshje tradicionale Nxënës me kostume pranë dekorimeve të Halloween

VLERAT TONA

Dituri, punë, disiplinë, sukses

  1. Dituri

    Mësim i qartë çdo ditë, që i jep nxënësit baza të forta për çdo hap tjetër.

  2. Punë

    Studim i rregullt në klasë dhe pas mësimit, me mësuesin pranë.

  3. Disiplinë

    Rregull, respekt dhe përgjegjësi, që mësimi të ndodhë me qetësi.

  4. Sukses

    Rezultate që maten: Matura, olimpiada dhe universiteti.

NË SHIFRA

Rezultate që flasin vetë

Shiko të gjitha arritjet
e maturantëve në universitet, 4 vite rresht
100%
mesatarja më e lartë e Maturës (2022–2023)
9.06
fitues në olimpiadat e ZVAP (2021–2025)
35
maturantë të pranuar në mjekësi (2021–2025)
31

SHËRBIMET

Një ditë e plotë në shkollë

Gjithçka që i duhet familjes, në të njëjtin vend: mësim, studim, vakte, sport dhe transport.

  • Ditë e plotë

    Shkolla është e hapur nga e hëna në të premte, 07:30–17:00.

  • Studim dhe vakte

    Pas mësimit nxënësit studiojnë me mësues dhe hanë në mensën e shkollës.

  • Transport

    Transport për të gjithë nxënësit. Pyetni sekretarinë për linjat dhe oraret.

  • Pishinë

    Not dhe lojë në pishinë gjatë verës dhe në kampet verore.

  • Kampe verore

    Lojë, sport dhe krijimtari gjatë pushimeve të verës.

  • Ekskursione

    Udhëtime edukative brenda dhe jashtë vendit.

NJË SHKOLLË

Tri nivele shkollimi

Kopsht

Vitet e para të mësimit, me lojë, gjuhë, muzikë dhe kujdes për çdo fëmijë.

Shiko nivelin

9-vjeçare

Arsimi bazë nga klasa I deri në klasën IX, me teknologji, gjuhë të huaja dhe studim pas mësimit.

Shiko nivelin

Gjimnaz

Klasat X–XII dhe përgatitja për Maturën, me 100% të maturantëve në universitet katër vite rresht.

Shiko nivelin

HISTORIKU

Që nga 11 janari i vitit 2000

Shkolla “Irfan Ngjeqari” është shkolla e parë jopublike në qarkun e Beratit, e ideuar nga z. Irfan Ngjeqari dhe e konkretizuar nga znj. Resmije Ngjeqari.

Shkolla e suksesshme
Vlerësim i autoriteteve arsimore, disa herë ndër vite

Vetëm shkolla 9-vjeçare ka marrë më shumë se 100 çmime në konkurse dhe olimpiada gjatë 15 viteve të para. Gati të gjithë nxënësit që e kanë përfunduar këtë shkollë kanë vijuar dhe përfunduar arsimin e lartë brenda ose jashtë vendit.

  1. 1999

    Miratohet nga MASH me Urdhrin e Ministrisë nr. 145, datë 4 nëntor 1999.

  2. 2000

    Shkolla i çel dyert më 11 janar. Në vitin e parë e frekuentojnë 118 nxënës. Drejtues të parë: z. Hysen Guri drejtor didaktik, z. Polizoi Bakra drejtor administrativ dhe znj. Resmije Ngjeqari administratore e përgjithshme.

  3. 2001

    Në shtator hapen kopshti i fëmijëve dhe gjimnazi, me drejtor z. Roland Kusta.

  4. Sot

    Mbi 200 nxënës në arsimin 9-vjeçar, 50 fëmijë në kopsht dhe mbi 180 nxënës në gjimnaz.

SYNIMI I SHKOLLËS

Nxitja e interesit dhe e aftësisë te nxënësit për të mësuarit e vazhdueshëm.

Objektivat tona

Objektiva të matshme, të vendosura në fillim të vitit shkollor mbi bazën e diagnostikimit të nxënësve në të gjitha lëndët.

  1. Të fitojmë pesë çmime në olimpiada.
  2. Mbi 40% e nxënësve maturantë të vlerësohen me nota 8, 9 dhe 10 në provimet e Maturës Shtetërore D1, D2 dhe D3.
  3. Në të gjitha klasat e gjimnazit të ulim në nivelin 15% numrin e nxënësve ku aplikohen objektiva minimalë.
  4. Diferencat deri në dy nota midis vlerësimit të mësuesit dhe vlerësimit në provimet e Maturës Shtetërore të jenë nën 15%.
  5. Gjimnazi ynë të renditet në tre gjimnazet më të mirë të rajonit për arritjet e nxënësve.
Haris Ngjeqari, CEO e Gjimnazit Jopublik “Irfan Ngjeqari”.

DREJTIMI

Fjala e CEO-s

Ne frymëzojmë mendjet e reja për të ndërtuar një të ardhme më të mirë.

Drejton Gjimnazin Jopublik “Irfan Ngjeqari” që nga viti 2017: fillimisht si drejtoreshë e shkollës dhe, që nga viti 2020, si CEO.

Është avokate ndërkombëtare me doktoraturë në Inteligjencë Artificiale dhe Burime Njerëzore. Drejton gjithashtu studion ligjore HN Legal Studio dhe ASR, programin e robotikës dhe të edukimit STEM, dhe është pjesë e komunitetit Forbes Under 30 në fushën e arsimit.

Çdo fëmijë që hyn këtu ka diçka që ia vlen të zbulohet. Puna jonë është ta gjejmë atë dhe ta ndihmojmë të rritet: në klasë, në laborator, në fushë dhe përtej tyre.

Haris Ngjeqari

CEO e Gjimnazit Jopublik “Irfan Ngjeqari”

  • Mësim modern dhe inovativ
  • Përgatitje për një botë globale
  • Zhvillojmë liderët e së nesërmes

Na vizitoni

Na gjeni në Berat

Adresa
Lagja Kombinat, PWHP+769, Berat, Shqipëri
Orari
E hënë – e premte: 07:30–17:00
E shtunë – e diel: mbyllur
Telefon
+355 69 453 7002
Email
irfanngjeqarischool@gmail.com
Hape në hartë Regjistrimet
Hartë e vogël e zonës rreth shkollës në Lagjen Kombinat, Berat
© OpenStreetMap